103: заўсёды дапамагчы прафесiйна

Служба хуткай медыцынскай дапамогі працуе ў Беларусi кругласутачна. Яна забяспечвае неадкладную дапамогу дарослым і дзецям пры станах, якія пагражаюць здароўю ці жыццю, выкліканых раптоўнымі захворваннямі, няшчаснымі выпадкамі, атручваннямі і траўмамі, якія патрабуюць неадкладнага медыцынскага ўмяшання.

У рэжыме павышанай гатоўнасці служба хуткай медыцынскай дапамогі працуе пры правядзенні масавых мерапрыемстваў, узнікненні надзвычайных сітуацый. Пры гэтым служба хуткай медыцынскай дапамогі забяспечвае ўзаемадзеянне брыгад паміж сабой і з тэрытарыяльнымі органамі кіравання аховы здароўя, дзяржаўнымі арганізацыямі аховы здароўя, з аператыўна-дзяжурнымі службамі органаў унутраных спраў Рэспублікі Беларусь і Міністэрства па надзвычайных сітуацыях Рэспублікі Беларусь.

У надзвычайным рэжыме служба хуткай медыцынскай дапамогі ажыццяўляе абвяшчэнне органаў аховы здароўя пра надзвычайную сітуацыю, накіраванне да мяжы зоны надзвычайнай сітуацыі брыгад хуткай медыцынскай дапамогі, правядзенне лячэбна-эвакуацыйных мерапрыемстваў пацярпелым.

Выклікі, якія паступаюць на станцыю хуткай медыцынскай дапамогі па адзіным нумары 103 альбо па іншым нумары тэлефона, узгодненым з раённым выканаўчым камітэтам (у пасёлках гарадскога тыпу і сельскіх населеных пунктах), прымаюцца дыспетчарамі (фельчарам або медыцынскай сястрой), якія і вызначаюць катэгорыю тэрміновасці выкліку.

Для кансультавання (пры неабходнасці) насельніцтва і ў мэтах правядзення кантролю абгрунтаванасці вызначэння катэгорыі тэрміновасці выкліку за дыспетчарамі службы хуткай медыцынскай дапамогі замацаваны ўрач-кансультант аператыўнага аддзела службы хуткай (неадкладнай) медыцынскай дапамогі.

Пры прыёме выкліку дыспетчарам службы ХНМД па тэлефоне адначасова вядзецца аўдыёзапіс тэлефоннай размовы, які захоўваецца ў службе 45 дзён.

У задачы хуткай медыцынскай дапамогі ўваходзіць:

  • аказанне неадкладнай медыцынскай дапамогі на дашпітальным этапе пры станах, якія пагражаюць жыццю і здароўю пацыента або жыццю і здароўю асоб побач, выкліканых раптоўнымі захворваннямі, абвастрэннямі хранічных захворванняў, няшчаснымі выпадкамі, траўмамі і атруч­ваннямі, ускладненнямі цяжарнасці і пры родах;

  • транспарціроўка пацыентаў у стацыянарныя ўстановы аховы здароўя;

  • удзел у ліквідацыі медыцынскіх наступстваў надзвычайных здарэнняў, аварый, катастроф і стыхійных бедстваў.

Iснуюць наступныя катэгорыі тэрміновасці выкліку хуткай медыцынскай дапамогі

Экстранныя — пры раптоўным узнікненні ў пацыента захворванняў, станаў і (або) абвастрэнні хранічных захворванняў, якія пагражаюць жыццю пацыента і (або) людзей побач, якія патрабуюць экстраннага медыцынскага ўмяшання:

  • аварыя;

  • страта пацыентам прытомнасці;

  • сып з высокай тэмпературай у дзяцей да трох гадоў;

  • атручэнне пацыента хімічнымі рэчывамі або лекавымі сродкамі;

  • павешанне, утапленне;

  • апёк любой ступені і глыбіні ў дзіцяці да трох гадоў;

  • шырокі апёк (некалькі абласцей цела);

  • глыбокія і шырокія раны;

  • сутаргі;

  • вострыя парушэнні дыхання;

  • надзвычайная сітуацыя;

  • дарожна-транспартнае здарэнне з пацярпелымі;

  • электратраўма;

  • падзенне з вышыні, большай за ўласны рост;

  • пажар.

Экстранны выклік брыгады перадаецца фельчарам (медыцынскай сястрой) па прыёме выклікаў службы свабоднай брыгадзе ў адпаведнасці з яе спецыялізацыяй не пазней за чатыры хвіліны з моманту яго рэгістрацыі.

Тэрміновыя — выклік брыгады, звязаны з рэзкім пагаршэннем стану здароўя пацыента пры немагчымасці ўдакладнення прычыны звароту:

  • парушэнне рытму сэрца (арытмія);

  • сардэчны прыступ;

  • прыступ астмы;

  • траўма;

  • іншароднае цела;

  • крывацёк (страўні-кава-кішэчны, матачны, насавы);

  • адмаражэнне;

  • роды;

  • раптоўныя парушэнні рухальнай актыўнасці.

Тэрміновы выклік брыгады перадаецца фельчарам (медыцынскай сястрой) па прыёме выклікаў службы свабоднай брыга­дзе ў адпаведнасці з яе спецыялізацыяй. Аднак вытрымліваць гэтыя паказчыкі не заўсёды атрымоўваецца з‑за адлегласці і якасці дарог.

Неадкладныя выклікі адбываюцца пры раптоўным узнікненні ў пацыента захворванняў, станаў і (або) абвастрэнняў хранічных захворванняў, захворванняў, станаў без відавочных прыкмет пагрозы для жыцця пацыента, якія патрабуюць неадкладнага медыцынскага ўмяшання:

  • алергія;

  • галаўны боль;

  • боль у жываце, спіне, грудной клетцы;

  • гемафілія;

  • неадэкватныя паводзіны;

  • нырачная коліка;

  • ірвота;

  • сып;

  • высокая тэмпература (калі тэмпература не

  • зніжаецца пераральнымі лекавымі сродкамі);

  • вострая затрымка мачы;

  • харчовыя атручванні;

  • раптоўнае змяненне паводзін у дзіцяці да года;

  • абязбольванне;

  • транспарціроўка пацыента па выкліку, прынятаму ад медыцынскага работніка.

Неадкладны выклік брыгады перадаецца фельчарам (медыцынскай сястрой) па прыёме выклікаў службы свабоднай брыгадзе ў адпаведнасці з яе спецыялізацыяй альбо ў амбулаторна-паліклінічную дзяржаўную арганізацыю аховы здароўя падчас яе працы не пазней за гадзіну з моманту рэгістрацыі выкліку.

Аднак, калі ваш зварот па выкліку хуткай не адносіцца ні да аднаго з вышэйпералічаных відаў, то медсястра або фельчар па прыёме выклікаў службы хуткай дапамогі абавязаны даць вам рэкамендацыі, у якую дзяржаўную арганізацыю аховы здароўя неабходна звярнуцца за атрыманнем медыцынскай дапамогі.

Падрыхтаваў Дзмiтрый Назарэвiч, фота аўтара

100 лет служения науке
Избраны 110 депутатов по 110 округам
Архив выпусков